Cangkriman

Ngrembug bab kabudayan Jawa iku ora ana entekke. Kabudayan Jawa kang isih lestari nganti tumeka saiki iki pancen ndadekake mongkoging manah tumraping wong Jawa iku dhewe. Salah sawijining asil kabudayan kang isih lestari lan malah dadi piwulangan ing madyaning pawiyatan yaiku cangkriman. Apa ta cangkriman iku? Ing ngisor iki bakal katulis kanthi cekak apa kang sinebut cangkriman, jinis, lan tuladhane.

1.   Tegese cangkriman

          Cangkriman yaiku tetembungan utawa unen-unen kang kudu dibatang maksude.

2.         Wujude cangkriman

a.             Cangkriman kang awujud tembung wancahan

Tuladha:

-      tongyong rengreng

Bedhekane                              : gotong royong bareng-bareng

Nilai budi pakerti        : gotong-royong

b.             Cangkriman Irib-iriban

Tuladha:

-      Sega sakepel dirubung tinggi

Bedhekan                                : salak

-      Pitik walik saba meja

Bedhekan                                : sulak

Nilai budi pakerti        : panglipur

c.             Cangkriman Blenderan/Plesedan

Tuladha:

-      bakule krambil dikepruki

Bedhekan                                : sing dikepruke krambile

-      Tulisan Arab macane saka ngendi?

Bedhekan                                : Alas

Nilai budi pakerti        : panglipur

d.            Cangkriman Awujud tembang

Tuladha:

Pocung

Bapak pocung yen enom klambine gadhung

Yen wis rada tuwa

Si pocung klambine kuning

Tuwa pisan si pocung klambine abang

Bedhekan                                : mlinjo

Nilai budi pakerti        : panglipur