Ing basa Indhonesia, wara-wara
dipunsebut kanthi aran pengumuman.
Adatipun wara-wara dipunaturaken awit wontenipun sawijining adicara utawi
kagiyatan. Supados saged nyinaoni wara-wara kanthi sampurna, saenipun kedah
mangertosi teori-teori nyinaoni
wara-wara.
Wara-wara inggih menika welingan utawi informasi ingkang
dipunaturaken dhumateng tiyang kathah. Dados wara-wara menika wujudipun
welingan (pesan/informasi) ingkang dipunaturanken dhumateng umum. Saksampunipun
mangertosi artos wara-wara, kedahipun ugi mangertosi ancasing (tujuan)
wara-wara. Ancasing wara-wara inggih menika ngaturaken sawijining
perkawis/welingan/informasi supados saged dipun mangertosi tiyang kathah.
Ingkang salajengipun, kedah mangertosi peranganing wara-wara, pokok-pokok
wigati wara-wara, lan cara nyemak wara-wara.
A.
Peranganing wara-wara (bagian-bagian pengumuman)
- Irah-irahan (judul)
- Adangiyah/ Salam taklim
- Bebuka (pembuka)
- Suraos basa (isi)
- Wasana basa (panutup)
- Panggenan lan titimangsa (tempat dan waktu penulisan)
- Peprenah (jabatan)
- Tapak asma (tanda tangan)
- Asma terang (nama lengkap)
B.
Pokok-pokok wigatos wara-wara
1.
Sinten ingkang ngaturaken utawi ingkang damel
wara-wara (dari siapa)
2.
Kagem sinten wara-wara menika (untuk siapa)
3.
Wonten suraosipun (ada isinya)
4.
Wekdal pandamelanipun (kapan ditulis)
5.
Menawi awujud kagiyatan, kedah cetha wekdal
kagiyatan kaleksanan, wonten pundi, lan sinten ingkang mandhegani.
C.
Cara nyemak wara-wara
1.
Sehat, tegesipun sehat jiwa lan raga
2.
Konsentrasi, tegesipun pikiran tumuju dhumateng
punapa ingkang dipunsemak
3.
Nggadhahi
motivasi/ancas ingkang pengin dipungayuh
4.
Nyemak kanthi wutuh, mboten sepalih-sepalih
5.
Saged milah milih bab ingkang wigatos
6.
Ngamel ringkesan wosing wara-wara
7.
Maringi tanggepan marang wara-wara
Tuladha
Wara-wara:
Wara
- Wara Lomba Sesorah Basa Jawi
Para siswa
kang tansah tak tresnani,
Gegayutan
kaliyan pengetan Sumpah Pemuda 28 Oktober, OSIS SMK N 1 Kedawung badhe ngawontenaken
lomba Sesorah Basa Jawi kanthi tema “Peran
Pelajar dalam Memajukan Bangsa”.
Lomba kasebut badhe
kaleksanan benjing,
Dinten : Jum’at Wage
Surya : 7 September 2012
Tabuh :
08.00 enjing dumugi paripurna
Papan :
Auditorium SMK N 1 Kedawung
Awit saking
punika, dhumateng para siswa ingkang badhe ndherek lomba supados daftar dateng
sekretariat OSIS kaliyan sederek Sri Lestari. Pendaftaran dipuntutup sedinten
sakderengipun lomba kawiwitan.
Makaten
wara-wara menika, mugi saged dipun leksanaaken kanthi saestu. Matur nuwun.
Kedawung,
1 September 2012
Ketua
OSIS,
Ttd,
Muhammad
Ilham
Tidak ada komentar:
Posting Komentar